џолев и уметностите
3Д моделирање на облека – Browzwear VStitcher
ИЗРАЗЕТЕ ЈА ВАШАТА КРЕАТИВНОСТ СО ЛИЦЕНЦИРАН 3Д СОФТВЕР ЗА МОДЕЛИРАЊЕ НА ОБЛЕКА И БИДЕТЕ ВО ТЕК СО НАЈНОВИТЕ ТРЕНДОВИ ВО МОДНАТА ИНДУСТРИЈА.
Овој курс е дизајниран да ги запознаe студентите со основите на 3D моден дизајн, изработка на шаблони и создавање облека. Студентите ќе се стекнат со практично искуство преку користење на Browzwear Vstitcher, софтвер за 3D моден дизајн со помош на кој ќе ги развијат своите вештини и знаења во областа на модниот дизајн.
Програмата се фокусира на основните техники и проекти за дизајн на облека за да обезбеди силна основа за студентите пред да напредуваат кон посложени концепти и техники за дизајнирање.
ПОЧЕТОК:
04.04.2024
ФИЛМ И ФИЛМСКИ АКТЕР
ЗА СИТЕ КОИ ИМААТ ИНТЕРЕС ЗА ГЛУМА И ЖЕЛБА ДА ЈА ИМААТ СВОЈАТА ПРВА ФИЛМСКА ПРЕМИЕРА!
Програмата е под менторство на македонската театарска, филмска и ТВ актерка со интернационална кариера, Слаѓана Вујошевиќ, во соработка со филмскиот режисер, визуелен уметник и основач на Скала, Дејан Џолев.
Учесниците на обуката ќе имаат можност да се запознаат со процес на градење на лик и личност, подготовка на кратко сценарио, актерска импровизација и игра пред камера. Секој од учесниците ќе биде дел од практичен актерски процес во којшто ќе бидат реализирани 10 кратки филмски етиди со професионална филмска екипа. Завршните активности од програмата опфаќаат подготовка на кастинг-CV и кастинг-фотографии.
На крајот од обуката, учесниците ќе бидат дел од финална изложба и проекција на филмски етиди на којашто ќе им биде доделен сертификат за успешна реализација на програмата.
ПОЧЕТОК:
31.03.2024
ТЕХНИКИ НА КРОЕЊЕ И ШИЕЊЕ
ЗА СИТЕ КОИ НЕКОГАШ ИМАЛЕ ИДЕЈА И ЖЕЛБА ДА СОШИЈАТ НИВНО ПАРЧЕ ОБЛЕКА!
Програмата е под менторство на Катерина Тошева, специјалист за моделирање облека.
Учесниците на обуката ќе имаат можност да се запознаат со алатките коишто се користат при процесот на кроење и шиење, техники на моделирање и изработка на основен терк. Во рамките на обуката, учесниците со насоки од страна на менторот ќе изработат најмалку едно парче облека, почнувајќи со здолниште како основа за стекнување на сите потребни вештини.
Сите алатки за потребите на програмата се вклучени во цената.
На крајот од обуката, учесниците ќе бидат дел од финална изложба (show room) на којашто ќе им биде доделен сертификат за успешна реализација на програмата.
ПОЧЕТОК:
30.03.2024
ЦРТАЊЕ И СЛИКАЊЕ
ЗА СИТЕ ГЕНЕРАЦИИ КОИ САКААТ РЕКРЕАТИВНО ДА СЕ ЗАНИМАВААТ СО ЛИКОВНАТА УМЕТНОСТ!
Програмата е под менторство на ликовните уметници и едукатори Доротеј Нешовски и Маргарита Симовска.
Учесниците на обуката ќе имаат можност да се запознаат со основите на ликовната уметност преку цртачки и сликарски техники. Ќе ги совладаат принципите на композиција, конструкција на поставка, визирање, градација, топли и ладни бои, тон и поделба на плановите преку користење на различни цртачки и сликарски техники зависно од желбата на партиципиентот и моменталната наставна содржина (молив, јаглен, туш, пастел,
акварел и акрил).
Сите материјали за потребите на програмата се вклучени во цената.
На крајот од обуката, учесниците ќе бидат дел од финална галериска изложба на којашто ќе им биде доделен сертификат за успешна реализација на програмата.
ПОЧЕТОК:
11.05.2024
ФОТОГРАФИЈА
ЗА СИТЕ ФОТОГРАФИ КОИ САКААТ ДА РАСКАЖАТ ВИЗУЕЛНИ ПРИКАЗНИ И ДА ЗАПОЗНААТ НОВО ГОЛЕМО КРЕАТИВНО ДРУШТВО!
Учесниците на обуката ќе имаат можност креативно да ги искористат вредностите на фотографијата, од технички (бленда, експозиција, исо, баланс…), ликовен (композиција, боја, контраст, текстура…) и драматуршки аспект, како и запознавање на сите типови на светло и обработка и монтажа на фотографија.
По завршување на секој час, учесниците добиваат дигитална скрипта.
На крајот од обуката, учесниците ќе бидат дел од финална галериска изложба на којашто ќе им биде доделен сертификат за успешна реализација на програмата.
ПОЧЕТОК:
30.03.2024
ДЕТСКА ЕДУКАЦИЈА И ЗАБАВА: ДРАМСКИ АКТЕР
Квалитетот на исхраната е важен фактор за физичкиот развој на вашето дете, додека уметноста е духовна храна којашто е задолжителна на детското мени за негување на интелектуалниот и креативен капацитет.
KIDS програмите од Џолев и Уметностите, ќе ја поттикнат креативноста, ќе го мотивираат критичкото размислување и социјалната комуникација на секое дете, преку класичните уметнички медиуми, преку јасно дефинирана работна програма, нетрадиционална (современа) претстава и организација на часовите.
ОДРЖАН
ДЕТСКА ЕДУКАЦИЈА И ЗАБАВА: ДРАМСКИ АКТЕР
Квалитетот на исхраната е важен фактор за физичкиот развој на вашето дете, додека уметноста е духовна храна којашто е задолжителна на детското мени за негување на интелектуалниот и креативен капацитет.
KIDS програмите од Џолев и Уметностите, ќе ја поттикнат креативноста, ќе го мотивираат критичкото размислување и социјалната комуникација на секое дете, преку класичните уметнички медиуми, преку јасно дефинирана работна програма, нетрадиционална (современа) претстава и организација на часовите.
ОДРЖАН
ЛИТЕРАТУРНА СЕКЦИЈА
„Читање под маски“ претставува едукативна онлајн програма која се состои од драмско читање на кратки детски поучни раскази (бајки), преку актерска импровизација и имитација на двајцата млади актери Сара Анастасовска и Даријан Петров.
Проектот „Читање под маски“ е дел од детските секции: Kids and the Arts, при Школата за дизајн и уметност „Џолев и Уметностите“, поддржан од „ЕU со тебе“. Програмата е препорачлива за деца над 4 години.