Во развојот на едно софтверско решение базирано на веб, веќе е добро познато дека постојат „две главни страни“: т.н. клиентска и серверска страна или структура на веб [кориснички интерфејс / изглед] којшто е дефиниран со графички елементи во согласност со потребите на клиентите и посакуваното корисничко искуство и функционалност којашто се базира на код, оптимизација, тестирање, начин на одржување на содржините и „прикачување“ [хостирање] на веб–страната за да „заживее“ на интернет. 

Дополнително, по нејзиното објавување, значајна улога има и нејзината „видливост“ во однос на конкуренцијата, односно, како нашите посакувани корисници ќе дознаат за нас или како со нивното пребарување по одреден клучен збор/термин којшто е поврзан со нашиот производ/услуга ќе ги донесе прво кај нас. 

Оваа десетмесечна академска програма практично и темелно ве води низ сите фази на развојот на една комплетно функционална веб–страна којашто е конкурентна и целосно ги задоволува потребите на клиентот, согласно направените анализи за пазарот/индустријата во којашто се позиционирани неговите прозводи и/или услуги и профилот на неговите корисници.

Оваа програма е одлична за сите што посакуваат да направат спој на областите од дизајнирање и front-end програмирање и започнат некоја од можните професии [UX/UI–дизајнер, WordPress–програмер, Front-end програмер, SEO–специјалист итн.) во компании, стартапи или како freelance.

ЗА КОГО Е НАМЕНЕТА?

• лица кои сакаат да се преквалификуваат со цел да започнат кариера како UX/UI дизајнери, WordPress-програмери и Front-end програмери;
  
• лица кои сакаат своето образование да го насочат кон технологија и дизајн со фокус на развој на веб–страни;
• лица кои имаат завршено технички факултети за информатички науки и компјутерско инженерство и сакаат да го усовршат своето практично знаење за UX/UI и front-end development;
• лица кои имаат работно искутво во ИКТ–индустријата, но посакуваат да ги надополнат своите знаења или пренасочат својата професија кон веб–дизајн.

КАКО СЕ СЛЕДИ ПРОГРЕСОТ НА СТУДЕНТИТЕ?

Академијата има развиено свој унифициран систем на вреднување на секој студент чиј прогрес се вреднува во зависност од исполнетоста на проектните задачи по секој предмет, присустноста и активноста на часовите, квалитетот и проактивноста во изработка на вежбите и завршната презентација на практично изработените проекти за реални клиенти. Дополнително во секој семестар се организираат посебни часови за анализа на тековните активности. Севкупниот прогрес и напредок на секој студент се класифицира во една завршна оцена (нивоа: А, Б Ц или Д) којашто е наведена во УВЕРЕНИЕТО издадено на крајот на Академијата. 

ШТО ПО ЗАВРШУВАЊЕ НА АКАДЕМИЈАТА?

• Секој студент го поминува ПРОЦЕСОТ НА РЕГРУТАЦИЈА на кадри со HR-менаџер од ИТ -компанија;
• Се организира специјален НАСТАН со цел запознавање на студентите со ИТ-индустријата;
• Секој студент добива ДИПЛОМА и УВЕРЕНИЕ во коишто се опфатени сите предмети и финалната оцена согласно претставениот систем на вреднување;