Kids

Децата се најголеми создавачи и најдобри читатели. Преку овие практични работилници ќе се обидеме да им го приближиме јазикот, играта низ јазикот и зборовите на деца од 7 до 12 години.
Со цел да се создаде природна форма на комуникација и разговор со децата преку запознавање со основните форми во книжевноста и литературата, ќе им понудиме креативно патување во кое и тие самите ќе земат учество. Креативниот процес ќе значи вклученост, едукација, забавно откривање на јазикот и целосна слобода на изразот.

Квалитетот на исхраната е важен фактор за физичкиот развој на вашето дете, додека уметноста е духовна храна којашто е задолжителна на детското мени за негување на интелектуалниот и креативен капацитет.

KIDS програмите од Џолев и Уметностите, ќе ја поттикнат креативноста, ќе го мотивираат критичкото размислување и социјалната комуникација на секое дете, преку класичните уметнички медиуми, преку јасно дефинирана работна програма, нетрадиционална (современа) претстава и организација на часовите.

Оваа креативно-едукативна работилница за деца и родители во својата програма обработува актерски вежби и игри преку кои се гради подлабока релација помеѓу детето и родителот. Учесниците на оваа работилница ќе имаат можност да се запознаат со театарот и актерството, на секој час учејќи нов театарски термин кој практично ќе го применат заедно со родителот. Преку креативни вежби за имагинација, Вие како родител, ќе му помогнете на вашето дете да го достигне својот креативен потенцијал, подобро да управува со своите чувства и како овие креативни вежби да ги користи понатаму во секојдневниот живот.