………..

Програмата “Курс за конструкција на облека со техники на шиење” е под менторство на искусната Маре Трајковска „Матра“ (модна дизајнерка и специјалист за конструкција на облека).

Започувајќи со откривање на формата на телото и создавањето на основен крој овој курс ќе ве води низ процесот на конструирање на облека.

За време на часовите ќе се обрне посебно внимание на употребата на неопходните алатки за успешна реализација на проектните задачи и употребата на машина за шиење.

Крајната цел на овој курс е покрај усвојувањето на знаење за конструирање на различните видови на здолништа, воедно и да се совладаат основните техники за шиење. Со совладувањето на овие вештини на крај на курсот секој учесник ќе биде во можност да изработи најмалку два примероци на здолништа.

Сите (основни) материјали за потребите на програмата се вклучени во цената.

На крајот од десет неделната програма, учесниците ќе добијат сертификати за постигнатиот труд.

Курсот по фотографија е под менторство на фотографот Драги Неделчевски во соработкa со мултимедијалниот уметник Дејан Џолев и професионални фотографи, фоторепортери, режисери, сликари, драматурзи, актери, модни дизајнери, фотомодели…

Програмата ќе се одржи по седумнаесети пат и досега се обучени повеќе од 500 фотографи!

На крајот од три месечниот курс, учесниците ќе ги изложат своите најдобри дела на групна изложба, каде ќе бидат доделени сертификати за постигнатиот труд.

Задолжителна програма за секој фотограф! Ментор на програмата „Курс по постпродукција на фотографија“ која ќе се реализира по тринаесети пат е: Дејан Џолев (филмски режисер и визуелен артист).
Во текот на курсот учесниците креативно ќе ги искористат вредностите на фотографијата од технички, ликовен и драматуршки карактер преку:
PHOTOSHOP
Креативно служење со техничките можности: Мени, формати, алатки, колор корекции, текстурирање, селекции, ретуширање, маски, монтажа на фотографија…
ЛИКОВНА УМЕТНОСТ
Претставување на ликовните вредности: Естетика, филозофија на убавото, теорија на боја, визуелни комуникации, историја на уметноста…
Практична (мануелна) разработка: Цртање, боење, колажирање…

МЕТОДОЛОГИЈА
Пристап кон фотографијата: Методолошки развој на концептуална фотографија (од идеја преку цртеж, фотографии и финално монтажно фотографско дело).
Анализа: Затворено изложување на фотографските вежби, детално расчленување на делото преку аналитичка дискусија за естетската, техничката и уметничката вредност на делото.

Обуката за филм и филмски актер, која ќе се одржи по петнаесети пат, е под менторство на режисерката Теа Беговска, во соработка со филмскиот режисер Дејан Џолев, универзитетски професори, професионални актери, режисери, театролози, филмски работници…

Учесниците на обуката ќе имаат можност да се запознаат со елементарните актерски, сценариски и режисерски теми и карактеристики преку практични предавања и вежби, снимачки етиди, посета на кино проекции и театарски претстави.

ЦЕЛ: Секој од учесниците ќе биде дел од практичен актерски процес во кој ќе бидат реализирани 10 кратки филмски етиди со професионална филкмска екипа, кои подоцна ќе имаат своја филмска премиера во „Кинотека на Македонија“.

Секој учесник ќе добие сертификат за успешно реализирана програма „Обука за филм и филмски актер“, кастинг CV и кастинг фотографии.

ЗАДОЛЖИТЕЛНА МЕНТАЛНА ХИГИЕНА ЗА СЕКОЈ УМЕТНИК И ДИЗАЈНЕР

…како и вљубеници на философијата, историјата на уметностите, естетиката… предложуваме естетски дискурси со проф. Небојша Вилиќ, во пријатен и неформален амбиент.

ЗА СИТЕ ГЕНЕРАЦИИ КОИ САКААТ РЕКРЕАТИВНО ДА СЕ ЗАНИМАВААТ СО ЛИКОВНАТА УМЕТНОСТ!

Учесниците на курсот ќе имаат можност да се запознаат со основите на ликовната уметност преку цртачките и сликарски техники. Ќе ги совладаат принципите на композиција, конструкција на поставка, визирање, градација, топли и ладни бои, тон и поделба на плановите преку користење на различни цртачки и сликарски техники зависно од желбата на партиципиентот и моменталната наставна содржина (молив, туш, акрилни бои, водени бои, четка, шпакла и слично).