• Брзо и едноставно, преку пополнување на нашата електронска апликација [тука]
• Или можеш лично да нè посетиш. Остави ни ги твоите податоци и ќе те контактираме за да се договориме за термин [тука]

Фондот на часови и физичкото присуство се од особена важност за квалитетот на образованието. 

СЕКОЈ СТУДЕНТ МОЖЕ ДА ИЗБЕРЕ ДАЛИ ПРОГРАМАТА ЌЕ ЈА СЛЕДИ:

Со физичко присуство на цела настава (теоретски и практичен дел);

На комбиниран начин (теоретскиот дел ќе го следи онлајн, практичниот дел со физичко присуство).

ФОНД НА ЧАСОВИ: 

Можеби сте се запрашале зошто нашата Академија за графички дизајн е најскапата на локалниот пазар. Една од причините е токму поради најголемиот фонд на часови од вкупно 360 часа настава и 120 часа пракса. Наставата се одржува 4 пати неделно, со по 3 часа дневно, а трае 10 месеци. 

Никогаш не одбирај професија само според трендовите на пазарот. Вистинската среќа и успех доаѓаат кога ќе се посветиш на онаа професија којашто навистина ја сакаш. Кога ќе одлучиш за тоа, сакаме да знаеш дека ова е вистинската академија за тебе!

• За лица (без искуство) кои сакаат да се преквалификуваат со цел да започнат кариера како графички дизајнери;

• За лица (со искуство) кои сакаат да ги усовршат своите знаења во областите на графички дизајн, фотографија, илустрација, типографија, методологија на креирање;

• За сите оние кои сакаат да се развиваат во креативна заедница со цел почеток на кариера во креативните индустрии. 

Академијата за графички дизајн е 10–месечна темелна програма којашто им овозможува на студентите да се стекнат со практични знаења и вештини преку нетрадиционални и флексибилни едукативни методи на настава во соработка со еминентни универзитетски професори и долгогодишни професионалци од креативните индустрии.

• ВЕШТИНИ: Академијата ќе ти помогне да ги совладаш од технички и креативен аспект трите основни визуелни медии: типографија, илустрација и фотографија, според ликовните елементи и принципи, со цел нивно комбинирање, што во суштина и претставува графички дизајн. 

• АЛАТКИ: Оваа програма ќе те научи како да размислуваш креативно, преку различен тип на методологии и техники со цел да создаваш креативни графички решенија, користејќи ги најпознатите дигитални софтверски алатки како Adobe Photoshop, Illustrator, InDesign и XD;

• ПРИМЕНА: Ќе научиш како да создадеш визуелен идентитет (брендинг) за компанија, ќе научиш да дизајнираш амбалажа за најразличен тип на производи, ќе дизајнираш различен тип на графички решенија за маркетинг и адвертајзинг потреби: постери, корици за книги, книги, брошури…;

• За секој дизајнер, задолжителна алатка е фотографија! Ќе ги научиш сите технички карактеристики на фото-камерата, светлосните тела и работата во студио, но и да работиш на фото-монтажи за потребите на графичкиот дизајн;

• Ќе ги совладаш сите печатарски техники и дигитални подготовки и адаптации;
• Елементарно познавање од ui-ux дизајн;

ЗАКЛУЧОК: Оваа академија, едноставно ќе те подготви да се усовршиш и започнеш кариера како графички дизајнер.

• ОПРЕМА И УСЛОВИ: „Скала“ е единствената Школа којашто им овозможува на студентите постојана достапност до: современо фото и видео студио со техничка опрема за работа, технолошка лабораторија со таблети за цртање и 3Д–принтери, современо фото и видео студио со техничка опрема за работа,  цртачко и сликарско ателје и материјали за работа, комплетно опремено модно ателје;

• ИСПИТНИ СЕСИИ: Академијата има развиено свој унифициран систем на вреднување. Проектните задачи се презентираат на испитните сесии коишто се одржуваат на крајот од првиот и крајот од вториот семестар пред менторите од програмата. Севкупниот прогрес и напредок на секој студент се класифицира во една завршна единица.

• АНАЛИЗА: Дополнително, во рамките на еден семестар се организираат посебни часови за анализа на тековните активности и дополнителни менторски сесии во зависност од тоа како напредува групата и секој студент поединечно.

• СКАЛА МАГАЗИН: Секој студент има можност за време на студирањето да биде дел од еден голем систем и структура во редакциските тимови и да стекне практично искуство во креативниот сектор на „Скала магазин“ – платформа за дизајн и визуелни уметности [погледни повеќе]

• РАБОТА СО КЛИЕНТИ: Една од значајните предности на „Скала" е нејзината тесна врска со креативните индустрии. Во текот на студирањето, студентите имаат привилегија да работат на проекти креирани од страна на компании или да аплицираат на конкурси коишто се достапни само во рамките на академијата. За сите овие активности, студентите добиваат парична награда.

• ПОРТФОЛИО: Секој студент на крајот од академијата изработува портфолио каде што се опфатени највреднуваните дела и креативни решенија од предметите;

• ПРАКСА + ВРАБОТУВАЊЕ: Секој студент го презентира своето портфолио на завршен настан пред избрани компании од креативните индустрии (маркетинг и адвертајзинг агенции, дизајн–студија, видео и фото–продукции…) со цел поврзување на студентите со индустријата и овозможување на дополнителна пракса и вработување;

• ДИПЛОМА И УВЕРЕНИЕ: Секој студент добива диплома и уверение во коешто се опфатени сите предмети и финалната оцена согласно претставениот систем на вреднување, но никогаш не заборавај дека твојата потреба е знаење и искуство, сертификатите во креативните индустрии се хартии без практична вредност;

• ЗАВРШНА ИЗЛОЖБА: Дипломите и уверенијата се доделуваат на завршна изложба каде што секој студент ги изложува своите изработени вежби и практични проекти од Академијата.

Твојата желба за студирање е наш приоритет, затоа сме подготвени да ги прилагодиме опциите за плаќање според твоите потреби. Имаме различни алтернативи на располагање за да ти го олесниме финансискиот план:

• Заштеди: Месеците јуни и јули се дел од нашиот ран уписен рок, оваа понуда е за 400€ пониска во споредба со редовната цена;

• Попуст за еднократно плаќање: Доколку одлучиш да го платиш целиот износ одеднаш, добиваш дополнителен попуст од 100€;

• Флексибилни опции за рати: Можеш да го поделиш плаќањето до 20–месечни рати, без дополнителни трошоци и камати;

Аплицирај за стипендија: Секоја година доделуваме стипендии за академските програми на кандидати со и без претходно искуство од дејноста за којашто аплицираат. Повикот е отворен, аплицирај веднаш [тука].