Обуката за филм и филмски актер, која ќе се одржи по петнаесетти пат, е под менторство на режисерката Теа Беговска, во соработка со филмскиот режисер Дејан Џолев, универзитетски професори, професионални актери, режисери, театролози, филмски работници…

Учесниците на обуката ќе имаат можност да се запознаат со елементарните актерски, сценариски и режисерски теми и карактеристики преку практични предавања и вежби, снимачки етиди, посета на кино проекции и театарски претстави.

ЦЕЛ: Секој од учесниците ќе биде дел од практичен актерски процес во кој ќе бидат реализирани 10 кратки филмски етиди со професионална филмска екипа, кои подоцна ќе имаат своја филмска премиера во „Кинотека на Македонија“.

Секој учесник ќе добие сертификат за успешно реализирана програма „Обука за филм и филмски актер“, кастинг CV и кастинг фотографии.