Среде Скала високо – поклони рој!
Магична ноќ, исполнета со светлина, веселба и безгранични можности помеѓу студентите, менторите и тимот на „Скала“, разменувајќи подароци, топли прегратки и искрени желби.
Во „Скала“, негуваме и се стремиме кон практики коишто ќе придонесат за развој на студентите од повеќе аспекти, покрај квалитетна настава, тука спаѓа и социјално зближување и инклузија на студентите во кретивна средина, затоа и сме најголемата дизајн-заедница.
Чоколатца во форма на лампиони, Дедо Мразовци и сите најслатки работи за почетокот на уште поубава и успешна година, балони во боите на Скалаленд и караоке-забава додаваа на магијата на веќе создадената топла атмосфера.
Студентите докажаа дека нивната креативност нема граници, преку подароците коишто обмислено ги подготвуваа. Секој подарок имаше своја приказна и порака, пронаоѓајќи го својот пат до вистинските раце.
Драгоцен е моментот на сплотување и дружба на студентите од сите академии, многу креативци на едно место кои меѓусебно се запознаваат преку дарување и забава, создавајќи нови пријателства коишто ќе траат.
И покрај часовите учење и истражување, новогодишната забава во „Скала“ докажа дека секој момент е можност да се прослави животот и придонесе за уште една година квалитетно образование, радост и изненадувања.
